कोरोना संक्रमण ६८ हजार ६ सय ६८ जनामा, ५ सय ७८ जनाको मृत्यु

Rapid-Corona-Test

नेपालमा कोरोना संक्रमण बढेकाे छ । बिहिबार बिहानसम्मको तथ्यांक अनुसार ९४ हजार २ सय ५३ जनामा कोरोना संक्रमण पुष्टि भएको छ। तीमध्ये ६८ हजार ६ सय ६८  जना संक्रमणमुक्त भएका छन् भने ५ सय ७८ जनाको मृत्यु भएको छ।

संक्रमण पुष्टि हुनेको संख्या अमेरिकामा सर्वाधिक रहेको छ। अमेरिकामका संक्रमितको संख्या ७५ लाख ४६ हजार ७ सय ६ पुगेको छ। त्यस्तै भारतमा ६७ लाख ५७ हजार १ सय ३१, ब्राजिलमा ५० लाख  ६ सय ९४ र रुसमा १२ लाख ४२ हजार २ सय ५८ जनामा संक्रमण पुष्टि भएको तथ्यांक रहेको छ।  त्यस्तै विश्वभर मृत्यु हुने कोरोना संक्रमितको संख्या १० लाख ५४ हजार नाघेको छ । पछिल्लो तथ्यांक अनुसार १० लाख ५४ सय ५ सय ३७ जनाको मृत्यु भएको तथ्यांकमा उल्लेख गरिएको छ।

अमेरिकामा २ लाख ११ हजार ७ सय २५,  ब्राजिलमा १ लाख ४८ हजार २ सय २८, मेक्सीकोमा  ८२ हजार ७ सय २६, बेलायतमा ४२ हजार ६ सय ५, इटालीमा ३६ हजार ६१ जनाको मृत्यु भएको छ। विश्वभर दुई करोड ५१ लाख २७ हजार २ सय ७१ जना संक्रमणमुक्त भएका छन्। उता बिहीबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा थप २ हजार ६ सय ७५ जना संक्रमणमुक्त भएको जानकारी दिए ।

यो सहित निको हुनेको संख्या ७१ हजार ३ सय ४३ पुगेको छ । त्यस्तै, बिहीबार थप ४ हजार ३ सय ६४ जना संक्रमित थपिएसँगै संक्रमितको संख्या ९८ हजार ६ सय १७ पुगेको छ । हाल देशभर २६ हजार ६ सय ८४ जना सक्रिय संक्रमित रहेका छन् । पछिल्लो २४ घण्टामा थप १२ जनाको कोरोना संक्रमितको मृत्यु भएको छ । यससँगै मृतकको संख्या ५ सय ९० जना पुगेको छ ।

Comments

comments