चौध हजार पर्यटक रसुवामा    

गत साउन महिनादेखि मङ्सिरसम्म पर्यटकको आगमन सङ्ख्यासमेत लाङ्टाङ राष्ट्रिय निकुञ्जले सार्वजनिक गरेको छ । निकुञ्जले उपलब्ध गराएको तथ्याङ्कअनुसार यो आर्थिक वर्षको यस अवधिमा १४ हजार २४४ आन्तरिक एवं बाह्य पर्यटकले लाङ्टाङ तथा गोसाइँकुण्ड क्षेत्रको भ्रमण गरेका थिए ।

यसरी हिमाली भेगको भ्रमण गर्ने पर्यटकमा आन्तरिकरुपका आठ हजार ३८७ र बाह्य देशका पाँच हजार ८५७ रहेका वन प्राविधिक बस्नेतले बताउनुभयो । आन्तरिक एवं बाह्य पर्यटकद्वारा निकुञ्ज प्रवेश गरेबापत रु दुई करोड १५ लाख २४ हजार ६१७ राजस्व सङ्कलन भएको निकुञ्जले जनाएको छ ।

Comments

comments