मेरो गाउँ

कविता

दिपा तामाङ

प्राकृतिक अवर्णनीय भव्य सुन्दरताले,सुसज्जित मेरो गाउँ
मनमोहक हरियाली दृश्य हेर्दा, मलाई लाग्छ नाचौ गाऊ

सदा बहन्छ स्वच्छ हृदयस्पर्शी,आनन्ददायक सिरीरी हावा

निरन्तर बग्छ कलकल कञ्चन खोला,विना ब्याज र साँवा

सुमधुर आवाजमा चराले चान्दै र खले,हामीलाई गर्छ स्वागत
गाउँको पाखा पखेरोमा खेलेको,आहा साह्रै मिठो त्यो विगत

खोलासँगै मलाई मनलाग्छ बग्न,हरियाली दृश्यमा हुन्छु म मग्न
पानासरी पत्रे भिरालो जमिनलाई,राख्दैनन् गाउँले कहिल्यै नग्न

रसुवा जिल्लाको कुनाको दुर्गम ठाउँमा,मेरो गाउँ छ अवस्थित
पर्यटनको सम्भावना फस्टाउछ यहाँ,सबैथोक गरेमा व्यवस्थित
चराचुरुङ्गी र खोलाको आवाजले,छ मेरो गाउँ गुञ्जयमान
धेरै प्रकारको बहुमूल्य बहुउपयोगी,जडीबुुटी छ विद्यमान

तामाङको बसोबास रहेकोसस्वच्छ,सफा र रमणीय मेरो गाउँ
भविष्यमा गाउँलेको पहिचानमा,जोडिन सक्छ गाउँको नाउ

जीवनमा हजुरहरूको एकपटक होस्,मेरो सुन्दर गाउँ गन्तव्य
हृदयदेखी नै सुस्वागतम छ मेरो गाउँमा,यही नै मेरो मन्तव्य

Comments

comments