रसुवामा एकसाता र नुवाकाेटमा दश दिन निशेध आदेश

Corona Virus

रसुवा, असार १५ गते । जिल्लामा कोभिड–१९ सङ्क्रमण जोखिम कायम रहेको भन्दै जिल्लास्तरीय कोभिड सङ्कट व्यवस्थापन केन्द्रको सिफारिसमा जिल्ला प्रशासन कार्यालयले असार १५ गतेदेखि असार २१ गतेसम्मका लागि निशेध आदेशको अवधि थप गरेको छ ।

कोभिड–१९ का सङ्क्रमित नघटेकाले निषेध आदेशलाई आगामी सात दिनसम्मका लागि निरन्तरता दिने निर्णय गरिएको प्रमुख जिल्ल अधिकारी इश्वरी ढकालले बताउनुभयो । त्यसै गरी  कोभिड–१९ को सङ्क्रमणलाई नियन्त्रण गर्न भन्दै जिल्ला प्रशासन कार्यालयले नुवाकाेटले आठौँ पटक जिल्लामा १० दिनको लागि निषेध आदेशको अवधि थप गरेको छ । प्रमुख जिल्ला अधिकारी जीवनप्रसाद दुलालले असार १५ गते जारी गर्नु भएको आदेश असार २५ गते राति १२ बजेसम्म कायम रहने जनाइएको छ । जिल्लामा गत वैशाख २१ गतेबाट निषेध आदेश जारी छ । असार १५ गतेको तथ्याङ्क अनुसार जिल्लामा ७ सय ४६ जना सक्रिय सङ्क्रमित रहेका छन् । जिल्लामा ३५ जना कोभिड सङ्क्रमितको मृत्यु भएको तथ्याङ्क छ ।

Comments

comments