सडक अवरुद्ध खुल्याे

रसुवा, पहिरोका कारण रसुवागढी नाका जोड्ने सडक अवरुद्ध भएकोमा पहिरो हटाई यातायात पूर्ण रुपमा सुचारु भएको छ । गोसाईकुण्ड गाउँपालिका -५ स्याफ्रू स्थित पासाङल्हामु (धुन्चे – स्याफ्रूवेशी – टिमुरे) सडक खण्डमा सडक माथिबाट ठूला ढुङ्गा सहित सुख्खा पहिरो आई सडक पूर्ण रुपमा अवरोध भएको थियाे ।

सडक माथिबाट सुख्खा पहिरो आएर  सडक अवरोध भएकोमा  धुन्चे–स्याफ्रु सडक खण्डको चिलिमे जलविद्युत् केन्द्र नजिकै पहिरो गएपछि सडक अवरुद्ध भएको हो । शनिबार राति गएको पहिरो पन्छाउने काम भएकाे जिल्ला प्रहरी कार्यालय रसुवाले जनाएको छ । पहिरोले ठूलाठूला ढुंगा सडकमा ल्याएर थुपारेको कारण सडक खुलाउन ढिलाइ भएको प्रहरी नायव उपरीक्षक देवेन्द्र पाण्डेले बताउनुभयो ।  सडक अवरुद्ध भएपछि काठमाडौं जान लागेका तथा रसुवागढी लगायतका माथिल्लो क्षेत्रतर्फ जाने सवारी बीच बाटोमा नै रोकिएका थिए । 

Comments

comments