साढे २ किलो सुनसहित ६ जना गिरफ्तार

Rasuwa newsRasuwa news

चीनको केरुङबाट अवैध रूपमा ल्याइएको साढे २ किलो सुनसहित रसुवागढी नाकाबाट ६ जना पक्राउ परेका छन् । काठमाण्डाै ल्याउन लागेका बेला सुनसहित पक्राउ गरिएकाे प्रहरीले जनाएकाे छ ।

पक्राउ पर्नेमा सिन्धुपाल्चोकको भोटेकोशी गाउँपालिका–५ का ३४ वर्षीय नवाङ नुर्पू तामाङ, २४ वर्षीय ग्याल्जेन शेर्पा, २३ वर्षीय सुप्पा लामा, ३५ वर्षीय सुवास तामाङ, १९ वर्षीय साङा शेर्पा र चालक दोलखाको तामाकोशी गाउँपालिका–५ का २३ वर्षीय तुलनारायण श्रेष्ठ रहेका छन् । बरामद भएकाे सुनको बजार मूल्य १ करोड ६० लाख पर्ने प्रहरीले जनाएकाे छ । ना १ झ ३५४२ नम्बरको टाटासुमो भित्र लुकाएर लैजान ल्याएकाे सुनसहित उनीहरूलाई घट्टेखोलाबाट पक्राउ गरिएको रसुवाका प्रमुख जिल्ला अधिकारी अर्जुन भण्डारीले बताउनुभयो ।

Comments

comments