प्रशारण लाइनमा मानिस चढेपछि विद्युत प्रवाह बन्द

Mahila Bk

ककनी गाउँपालिका–७ स्थित त्रिशूली मातातीर्थ प्रशारण लाइनमा एक व्यक्ति चढेपछि प्राधिकरणले आफ्ना विद्युत आयोजना बन्द गरेर प्रशारण लाइनमा विद्युत प्रवाह बन्द गरेको हो ।

बेल्कोटगढी नगरपालिका–१३ घलेगाउँका माइला बिक  प्रशारण लाइनको खम्बाबाट तारसम्म पुगेका हुन् । उनी ५ र ६ घण्टादेखि तारमा समातेर बसिरहेका कारण विद्युत प्रवाह गर्न नसकिएको नेपाल विद्युत प्राधिकरणका प्रवक्ता सुरेश भट्टराईले बताए । ‘अहिले माथिल्लो त्रिशुली थ्री ए र त्यस नजिकैको खोलाबाट विद्युत उत्पादन बन्द गरेका छौं, ६०र६२ मेगावाट विजुली निकाल्ने पानी नदीमा पठाउनु परेकाे छ’ उनले भने । Mahila Bk

प्रहरी र स्थानीय वासिन्दाले उनलाई सकुशल तल ओर्लन आग्रह गरिरहेका छन् । तर उनले मानेका छैनन् । ‘सम्झाई बुझाई गर्दा एक पटक तल झरिसकेका थिए, तर अहिले फेरि माथि नै रोकिएका छन्, प्रहरीको स्थानीय युनिट र स्थानीय वासिन्दा लागिरहेका छन्’ जिल्ला प्रहरी कार्यालय नुवाकोटका प्रमुख रामप्रकाश शाहले भने । उनकाे उद्दारकका लागि नेपाली सेनाकाे हेलिकाेप्टर समेत प्रयाेग गरिएकाे थियाे ।

Comments

comments