मामु

Deepa Ta

दिपा तामाङ
मामु हजुर सौन्दर्यको खानी,मेरो जीवनको रानी
हजुरबाटै सिकेँ संङ्घर्ष अनि,असल आनीबानी
गर्नुहुन्छ मलाई अपार प्रेम,सोच्नु हुन्न कहिल्यै हानी
क्षमा पाऊँ यदि मैले हजुुरलाई,रुवाएको छु भने जानीजानी ।

बनाउन मेरो मनपर्ने खाना,गर्नुहुन्न कहिल्यै बहना
म ठूलो मान्छे बनेको देख्ने,हजुरको एउटै चहाना
याद आउँछ हजुरको न्यानो काख र अङ्गालो,अनि चुम्बन
अरुको मामु देख्दा याद आउछ हजुरको,अनि रुन्छ मेरो मन ।

हजुरको सुरक्षाको लागि सधैँ गर्छु,प्रभूसँग प्रार्थना
हजुरमा सदा खुशी देख्न,गर्दैछु मामु म साधना
गर्नुभाछ हजुरले मेरो लागि तन,मन र धन समर्पण
हजुर टाढा हुनुभए पनि साथ छ,हजुरको प्रेमको दर्पण ।

सिकिस्त बिरामी हुदा पनि हजुरले,पाउनु भा छैन आराम
नजिक भकोभए गर्थे म हजुरको, स्याहार औषधि मलम
मेरो खुशीमा मभन्दा धेरै खुशी हुने,हारमा हौसला दिने
मामु नआओस् त्यो अवस्था फेरी,हजुरबाट टाढा बस्नुपर्ने ।

म प्रतिरक्षारत छु हजुरको,आगमनमा न्यानो आलिङ्गनको
दुःख सुखसँगै मिली साथ दिदै,हिडौला बाटो सफलताको
हजुरले प्रत्येक पलमा दु:खको सामना,गर्नुभएको छ जीवनमा
अवश्य राख्नेछु मामु हजुरलाई एकदिन,शान्ति र सुखमा ।

 

Comments

comments