रसुवामा १ सय ३२ जनामा काेराेना भाइरस (काेभिड- १९) संक्रमण पुष्टि

Corona Virus

रसुवा, वैशाख २४ गते । जिल्लामा काेराेना भाइरस (काेभिड- १९) काे दोस्रो लहर सुरु भएसँगै सक्रिय संक्रमितको संख्या १ सय ३२ पुगेको छ । बिहीबार ३२ जना संक्रमित थपिपछि सक्रिय कोरोना संक्रमितको संख्या १ सय ३२ पुगेको हो ।

स्वास्थ्य कार्यालय रसुवाका  अनुसार RT PCR गर्दा गोसाइँकुण्डमा २४, कालिकामा ३५, उत्तरगयामा १५, नौकुण्डमा ४२, आमाछोदिङ्‍मो गाउँपालिकामा ११ र बाहिरी जिल्लाका ४ जना रहेका छन् । संक्रमित मध्ये १० जना संस्थागत र १ सय २२ जना होम आइसोलेसनमा बसेकाे कार्यालयकाे नियमित अपडेटमा उल्लेख  छ ।

रसुवामा हालसम्म कुल ३ सय १३ जनामा कोरोना पुष्टि भएको छ ।  जसमा १ सय ८८ जना निको भएका छन् । जिल्लामा हालसम्म २ हजार १९ वटा स्वाव संकलन गरिएकोमा १ हजार ६ सय ५५ नेगेटिभ र ३ सय १३ पोजेटिभ रिपाेर्ट आएको थियो ।

Comments

comments